काठमाडौं । सरकारले विदेशी मदिरा आयातमा लगाएको प्रतिबन्ध हटाएको छ । व्यापार घाटा कम गर्न भन्दै चैत १६ गते लगाइएको बन्देज खुलाउने सरकारले निर्णय गरेको हो । विदेशी तयारी मदिरा पूर्ण रुपमा रोक लगाएकोमा उद्योग वाणिजय तथा आपूर्ति मन्त्रालयको प्रस्तावमा मन्त्रीपरिषद्ले खुल्ला गर्ने निर्णय गरेको हो । सरकारका प्रवक्ता प्रदीप ज्ञवालीका अनुसार चैत १६ गते बन्देज गरिएको मदिरा आयातको निर्णय २४ गते राजपत्रमा प्रकाशित भएको थियो । प्रतिबन्ध फुकुवा गर्ने निर्णयसँगै त्यसलाई अर्को राजपत्रमा प्रकाशित गर्न मन्त्रीपरिषद्लले निर्णय गर्ने प्रवक्ता ज्ञवालीले बताए । त्यस्तै गरि ५० हजार अमेरिकन डलर भन्दा बढी मूल्यका गाडी बन्देज गराएकोमा त्यसलाई पनि खुला गरिएको छ । अब कुटनीतिक नियोगलगायतका व्यक्तिहरूले त्यस्ता गाडी प्रयोग गर्न पाउनेछन ।
