काठमाडौं । रिलायन्स लाइफ इन्स्योरेन्सको आईपीओमा आइतवार साँझ पाँच बजेसम्ममा ५ लाख ३ हजार ८०२ जनाले २ करोड ४ लाख १४ हजार १९० कित्ताका लागि आवेदन गरेका छन् ।
विक्री प्रबन्धक सानिमा क्यापिटलका अनुसार उक्त कम्पनीको आईपीओमा हालसम्म रू. २ अर्ब ४ करोड १४ लाख १९ हजार बराबरको आवेदन परको छ ।
उक्त आईपीको लागि माग गरिएकोभन्दा ३ दशमलव ६० गुणा बढी आवेदन परेको छ ।सर्वसाधारणको लागि विक्री खुला गरिएको ५६ लाख ७० हजार कित्ताको लागि मागभन्दा ३ दशमलव ६० गुणा धेरै हो ।
कम्पनीले २ अर्ब १० करोड रुपैयाँ जारी पुँजीको ३० प्रतिशतले हुन आउने प्रतिकित्ता रु. १०० अंकित दरका ६३ लाख कित्ता आईपीओ बिक्री खुला गरेको हो।
लगानीकर्ताले कम्तीमा १० कित्ता र अधिकतम ६३ हजार कित्ताका लागि आवेदन दिन सक्नेछन्। आईपीओ निष्कासन बन्द छिटोमा भदौ ८ गतेसम्म हुनेछ ।
सर्वसाधारणले नेपाल धितोपत्र बोर्डबाट सि–आस्बा अनुमति प्राप्त बैंक तथा वित्तीय संस्था र तिनका शाखाहरु वा ‘मेरो सेयर’ बाट खरिद आवेदन दिन सक्नेछन्।
धितोपत्र निष्कासन तथा बिक्री प्रबन्धकमा सानिमा क्यापिटल रहेको छ।
