ललितपुर । महालक्ष्मी नगरपालिका वडा नं. ५ टिकाथलीमा करेन्ट लागेर सोही ठाउँ बस्ने सिन्धुली घर भएका २३ वर्षीय उत्तम लामाको शनिबार राति मृत्यु भएको छ ।
सोही ठाउँस्थित युवराज श्रेष्ठको निर्माणधिन घरको सामान रेखदेख गर्ने लामाले बिजुलीको स्वीच अन गर्ने क्रममा करेन्ट लागेर गम्भीर घाइते भएकाले पाटन अस्पताल ल्याएकोमा उपचारको क्रममा उनको मृत्यु भएको हो ।
यस सम्बन्धमा आवश्यक अनुसन्धान गरिरहेको महानगरीय प्रहरी परीसर ललितपुरले जनाएको छ ।
