काठमाडौं । नेपाल सुनचाँदी व्यवसायी महासंघले सुनचाँदीको भाउ चैत्र १० गतेपछि पहिलो पटक सार्वजनिक गरेको छ । आइतबार छापावाल सुन प्रति तोला ८७ हजार ४ सय रुपैयाँमा कारोबार भैरहेको छ । लकडाउनको अवधीमा सुनको भाउ प्रतितोला १० हजार ४ सयले बढेको छ ।
चैत १० गते अन्तिम पटक ७७ हजार रुपैयाँ तोकिएको थियो । त्यस्तै तेजाबी सुन प्रति तोला ८६ हजार ९६० रुपैयामा कारोबार भैरहेको छ ।
यता चाँदी प्रति तोला ९ सय २५ रुपैयाँमा कारोबार भैरहेको महासंघले जनाएको छ । त्यसैगरी चाँदीको भाउ पनि तोलामा २०५ रुपैयाँले बढेर ९२५ रुपैयाँ पुगेको छ। लकडाउनअघि चाँदीको भाउ प्रतितोला ७२० रुपैयाँ तोकिएको थियो।
