काठमाडौं । आगामी मङ्सिर १ गतेदेखि सवारी चालक अनुमतिपत्रको अनलाईन आवेदन प्रणाली बन्द रहने भएको छ। भौतिक पूर्वाधार तथा यातायात मन्त्रालय अन्तर्गतको यातायात ब्यबस्था विभागले आगामी मङ्सिर १ गतेदेखि अनिश्चितकालको लागि सवारी चालक अनुमतिपत्रको अनलाईन आवेदन प्रणाली बन्द हुने जनाएको छ।
विभागले आगामी मङ्सिर १ गतेदेखि अर्को सूचना प्रकाशन नभएसम्मको लागि सवारी चालक अनुमतिपत्रको अनलाईन आवेदन प्रणाली बन्द हुने जनाएको हो। मङ्सिर ४ गते हुने प्रतिनिधि सभा र प्रदेश सभाको निर्वाचनमा सम्बन्धित कार्यालयका कर्मचारीहरु समेत खटिनुपर्ने भएकोले मिति २०७९ मंसिर १ गतेदेखि अर्को सूचना प्रकाशित नभएसम्मका लागि विभागबाट संचालित सवारी चालक अनुमतिपत्रको अनलाईन आवेदन प्रणाली बन्द रहने विभागले जनाएको छ ।
यसबाट सेवाग्राहीहरुमा पर्न गएको असुविधाप्रति क्षमाप्रार्थी रहेको विभागले उल्लेख गरेको छ ।
