काठमाडौं । पछिल्लो २४ घन्टामा देशभर थप ४८७ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार बुधबार ४८७ जनामा संक्रमण पुष्टि भएको हो।
४ हजार १७७ जनाको कोरोना परीक्षण गर्दा उक्त संख्यामा संक्रमित थपिएका हुन्।
१८०६ जनाको पिसिआर र २३७१ जनाको एन्टिजेन परीक्षण गरिएको थियो। अहिले देशभर ४२९८ जना सक्रिय संक्रमित छन्।
१६४ जना संक्रमित निको समेत भएका छन्। कोरोना संक्रमणबाट पछिल्लो २४ घण्टामा एक जनाको मृत्यु भएको छ ।
