काठमाडौं । पछिल्लो २४ घण्टामा नेपालमा ११३ जनामा कोरोना भाइरस (कोभिड–१९) संक्रमित थपिएका छन् । स्वास्थ्य तथा जनसंख्या मन्त्रालयका अनुसार विगत २४ घण्टामा आरटी पीसीआर परिक्षण गर्दा ९० र एन्टीजेन परिक्षण गर्दा २३ गरी जम्मा ११३ जना नयाँ संक्रमित थपिएका हुन् ।
त्यस्तै, पछिल्लो २४ घण्टामा २० जना कोरोनामुक्त भएका छन् । योसंगै नेपालभर हालसम्म कोरोना संक्रमित निको हुनेदर ९८.८ प्रतिशत रहेको छ । पछिल्लो २४ घण्टामा मृतकको संख्या शुन्य रहेको छ ।
पछिल्लो २४ घण्टामा २ हजार ७२४ जनाले कोरोना परिक्षण गरेका थिए भने खोप लगाउनेको संख्या ९४ हजार ४० रहेको छ । हाल सक्रिय संक्रमितको संख्या ४७१ जना रहेका छन् ।
