काठमाडौं । भोली (सोमबार) बाट ४ दिन लगातार पानी पर्ने भएको छ । केही दिन निस्क्रिय रहेको मनसुन फेरि सक्रिय हुने भएकाले हल्कादेखि मध्यम वर्षा हुने जल तथा मौसम विज्ञान विभागले जनाएको छ । विभागका अनुसार केही स्थानमा भने भारी वर्षाको सम्भावना छ ।
सोमबारबाट मनसुन न्यून चापीय रेखा नेपालको तराई भूभाग नजिक रहने र अरब सागरबाट जलवाष्पयुक्त हावा भित्रिने सम्भावना देखिएकाले फेरि झरी सुरु हुने विभागको पूर्वानुमान छ ।
यसपटकको मनसुन सक्रिय भएपछि औसतभन्दा निकै धेरै पानी परिसकेको मौसम पूर्वानुमान महाशाखाले जनाएको छ ।
