धनुषा । जनकपुर उपमहानगरपालिका वडा नं. १९ बाउन्न बिगाहाबाट कटुवा पेस्तोल १ थान सहित सोही उपमहानगरपालिका(१ बस्ने जनकनन्दनी गाउँपालिका–१ घर भएका श्याम सहनीलाई बिहीबार दिउँसो प्रहरीले पक्राउ गरेको छ ।
बिषेश सूचनाको आधारमा जिल्ला प्रहरी कार्यालय धनुषा र २ नम्बर प्रदेश प्रहरी कार्यालय जनकपुरबाट खटिएको प्रहरीले प्रदेश २–०२–००१ प ३९१४ नम्बरको मोटरसाइकलमा सवार उनलाई उक्त पेस्तोल सहित फेला पारी पक्राउ गरेको हो ।
यस सम्बन्धमा थप अनुसन्धान गरिरहेको प्रहरीले जनाएको छ ।
