ललितपुर । कोन्ज्योसम गाउँपालिकाको आगामी आ.व. २०७७/०७८ को कुल बजेट ३८ करोड ९५ लाख ४३ हजार हुने अनुमान गरेको छ ।
बुधबार गाउँपालिकाको छैटौंं गाउँसभामा उक्त बजेट प्रस्तुत गरिएको थियो । कुल बजेटमध्ये आन्तरिक राजश्वतर्फ ६० लाख, संघीय सरकार समानीकरण अनुदान तर्फ ६ करोड ७१ लाख, संघीय सरकार राजश्व बाँडफाँडतर्फ ४ करोड १२ लाख ३६ हजार, प्रदेश सरकार समानीकरण अनुदान तर्फ ८८ लाख ७४ हजार, प्रदेश सरकार राजश्व बाँडफाँड तर्फ १ करोड ७ लाख १९ हजार, शशर्ततर्फ संघीय सरकारबाट १३ करोड २६ लाख र प्रदेश सरकारबाट १ करोड ५८ लाख १८ हजार, जिसस कोषबाट प्राप्त हुने ३ करोड, चालु आवको अल्या १ करोड ५० लाख, रहेको गरी कुल ३८ करोड ९५ लाख ४३ लाखको आय अनुमान गरेको गाउँपालिका अध्यक्ष गोपीलाल सिङ्तानले बताए ।
