ललितपुर, चैत १४ । चपली हाइटबाट चर्चा कमाएका नायक राज घिमिरेले ललितपुरका विभिन्न स्थानमा लकडाउनको मारमा परेका परिवारहरुलाई राहत बाडेका छन् ।
ललितपुरका गोदावरी, किट्नी, टौखेल, बिष्टछाप, पौडेल र नहर क्षेत्रका १७ गरिव, एक महिला, अपाङ्ग, विरामी परिवारलाई राहत वितरण गरेको घिमिरेले दैनिकीन्युजलाई बताए । प्रति परिवार १ बोरा चामल, १ केजी आलु, १ केजी दाल, १ प्याकेट मसला, १ केजी नुन र डेढ लिटर तेल बाडेको उनले बताए । विश्व नै कोरना भाइरस (कोभिड–१९) बाट आक्रान्त भएकोले दिनदुःखीलाई आफ्नै व्यक्तिगत स्रोतबाट उपलब्ध गराएको घिमिरेको भनाई छ । ‘व्यक्तिगत स्रोतबाट खर्च गरेको हुँ,' घिमिरेले भने ।
घिमिरेले लकडाउन हुनुभन्दा अगाडि पनि ललितपुरका विभिन्न क्षेत्रका पुगेर मास्क, सेनेटाइजर वितरण गर्नुको साथै जनचेतना फैलाएका थिए । घिमिरे नेकपा ललितपुरको जिल्ला सदस्य, कला तथा संस्कृत विभागकाका संयोजक हुन् ।
