ललितपुर । ललितपुरको पाटनस्थित पूर्ण ट्रेडिङ इन्टरनेशल प्रा.लि.ले प्रधानमन्त्री दैवी प्रकोप राहत कोषमा पाँच लाख ६४ हजार आर्थिक सहयोग प्रदान गरेको छ।
देशमा आइपरेको प्राकृतिक विपत्ति र सङ्कटको घडीमा थोरै भए पनि राहत पुगोस् भन्ने उद्देश्यका साथ कम्पनीले सोमबार सो रकम राहत कोषको राहत कोषमा जम्मा गरेको हो ।
सहयोगबारे जानकारी दिँदै कम्पनीका अध्यक्ष संजय मुल्मीले सङ्कटको यो समयमा नागरिक स्तरबाट पनि हातेमालो गर्नु कर्तव्य भएको बताए।
‘देशमा आइपरेको महाविपत्तिमा सरकार र पीडित जनतालाई सानो भए पनि मद्दत पुगोस् भनेर यो सहयोग गरेका हौँ,’ अध्यक्ष मुल्मीले भने, ‘भविष्यमा पनि राहत, पुनर्निर्माण तथा प्रभावितहरूलाई मनोसामाजिक परामर्श दिने जस्ता कार्यमा कम्पनीले प्रत्यक्ष रूपमा सघाउनेछ।’
