काठमाडौं । भाइभ इभेन्ट एन्ड मिडिया प्राइभेट लिमिटेडको आयोजनामा शनिबार काठमाडौंमा ‘जीवित एक्स्पो २०२६’ सम्पन्न भएको छ । स्वास्थ्य, सौन्दर्य, पोषण तथा दैनिक जीवनसँग सम्बन्धित विभिन्न उत्पादन तथा सेवाबारे जानकारी दिने उद्देश्यले आयोजना गरिएको एक्स्पोमा विभिन्न ब्रान्डका उत्पादनको प्रदर्शनी, ब्रान्डिङ तथा व्यवसायिक सम्भावनाबारे जानकारी गराइएको थियो ।
एक्स्पोमा विभिन्न ब्रान्डसँग सहकार्य तथा व्यवसाय गर्न इच्छुक व्यवसायी, वितरक तथा इन्फ्लुएन्सरहरूको उल्लेख्य सहभागिता रहेको थियो । सहभागीहरूलाई बजारमा उपलब्ध नयाँ उत्पादन, व्यवसायिक अवसर तथा विभिन्न ब्रान्डसँग जोडिन सकिने सम्भावनाका विषयमा समेत जानकारी दिइएको थियो ।
एक्स्पोको प्रमुख आकर्षणमध्ये ग्लोरियस स्किन केयर पनि रहेको थियो । केही समयअघि नै बजारमा आएको ग्लोरियसलाई नयाँ ब्रान्डिङ, नयाँ प्याकेजिङ र थप परिष्कृत स्वरूपसहित ११ वटा विभिन्न उत्पादन एक्स्पोमार्फत सार्वजनिक गरिएको हो । डर्मेटोलोजिस्टबाट परीक्षण गरिएको भनिएको ग्लोरियसले स्किन केयरको क्षेत्रमा उपभोक्तामाझ आफ्नो पहिचान बनाउँदै गएको आयोजकले जनाएको छ ।
त्यसैगरी, पेप्सीकोला–सनसिटी रोडमा रहेको स्मार्ट हेल्थ क्लिनिकका सेवा तथा विशेषताबारे पनि एक्स्पोमा जानकारी गराइएको थियो । स्वास्थ्यसँग सम्बन्धित विभिन्न सेवा तथा सुविधाका विषयमा सहभागीहरूलाई जानकारी दिँदै स्मार्ट हेल्थ क्लिनिकलाई थप विश्वासिलो स्वास्थ्य सेवाको विकल्पका रूपमा प्रस्तुत गरिएको थियो ।
एक्स्पोमै बालबालिकाका लागि लक्षित ‘मिन्जी’ मल्टिभिटामिन उत्पादन पनि सार्वजनिक गरिएको थियो । क्यान्डी फ्लेभरमा उपलब्ध मिन्जी बालबालिकाले सहज र स्वादिलो रूपमा सेवन गर्न सक्ने गरी तयार गरिएको उत्पादनका रूपमा प्रस्तुत गरिएको थियो । बालबालिकाको वृद्धि तथा विकासका लागि आवश्यक पोषणतत्त्व समेटिएको दाबी गरिएको मिन्जीले अभिभावकको समेत ध्यान आकर्षित गरेको थियो ।
यसैगरी, बीआईएम ब्रान्डको पाउडर बेस्ड मिल्क प्रडक्ट पनि एक्स्पोमा सार्वजनिक गरिएको थियो। अन्तर्राष्ट्रियस्तरको गुणस्तरीय मिल्क प्रडक्टका रूपमा प्रस्तुत गरिएको बीआईएमले नेपाली बजारमा आफ्नो उपस्थिति विस्तार गर्ने लक्ष्य लिएको जनाइएको छ ।
दैनिक जीवनमा आवश्यक पर्ने पूजापाठ तथा धार्मिक सामग्रीको सहज उपलब्धताका लागि सञ्चालनमा रहेको ‘पूजा पाठ’ अनलाइन डेलिभरी सिस्टमका विषयमा पनि एक्स्पोमा जानकारी गराइएको थियो । जन्मदेखि मृत्युसम्म आवश्यक पर्ने विभिन्न धार्मिक तथा पूजासम्बन्धी सामग्री घरमै डेलिभरी गर्ने यसको अवधारणाबारे सहभागीलाई जानकारी दिइएको थियो ।
त्यसैगरी, स्वास्थ्यसँग सम्बन्धित विभिन्न सामग्रीको बिक्री तथा वितरण गर्दै आएको स्मार्ट हेल्थ मार्टका सेवा तथा उत्पादनबारे पनि एक्स्पोमा जानकारी गराइएको थियो ।
समग्रमा, जीवित एक्स्पो २०२६ विभिन्न स्वास्थ्य, सौन्दर्य, पोषण तथा दैनिक जीवनसँग सम्बन्धित ब्रान्ड र उत्पादनलाई एउटै प्लेटफर्ममा प्रस्तुत गर्ने महत्वपूर्ण अवसर बनेको छ। नयाँ ब्रान्डको सार्वजनिकरणसँगै व्यवसायी, इन्फ्लुएन्सर तथा सम्भावित साझेदारहरूबीच सहकार्यका नयाँ अवसर सिर्जना गर्ने उद्देश्य पनि एक्स्पोले पूरा गरेको आयोजकको भनाइ छ ।
विभिन्न ब्रान्डको उपस्थिति, व्यवसायिक सम्भावनाबारे जानकारी, इन्फ्लुएन्सरहरूको सहभागिता तथा नयाँ उत्पादनहरूको सार्वजनिकरणसँगै भाइभ इभेन्ट एन्ड मिडियाले आयोजना गरेको जीवित एक्स्पो २०२६ सफलतापूर्वक सम्पन्न भएको छ ।
