काठमाडौं । नेकपा (माओवादी केन्द्र) निकट अखिल नेपाल खेलकुद महासंघका सहअध्यक्ष जनक बर्तौलामाथि भएको रड प्रहारमा संलग्न रहेको आरोपमा प्रहरीले तीनजनालाई पक्राउ गरेको छ ।
पक्राउ पर्नेमा टेकबहादुर प्रधान, शेरबहादुर थारू र आशिष लामिछाने रहेका छन् । उनीहरूलाई विभिन्न ठाउँबाट पक्राउ गरिएको हो ।
आक्रमणमा संलग्न अन्यको खोजी भइरहेको प्रहरीले जनाएको छ । उनीमाथि कार्तिक २२ गते नयाँबानेश्वरमा रड प्रहार भएको थियो ।
