ललितपुर । ललितपुर जिल्लाको ललितपुर महानगरपालिका वडा नं. १४ नख्खिपोटस्थित युनसान रेष्टुरेन्टमा जुवातास खेलिरहेको अवस्थामा ७ जना महिला र ३ जना पुरूष गरी जम्मा १० जनालाई शनिबार दिउँसो प्रहरीले पक्राउ गरेको छ ।
जिल्ला प्रहरी परिसर ललितपुरबाट खटिएको प्रहरीले उनीहरूलाई नगद १ लाख ३ हजार ४ सय २० रूपैयाँ र ४ बुक ताससहित पक्राउ गरेको हो ।
विशेष सूचनाको आधारमा उनीहरुलाई प्रकाउ गरिएको प्रहरीले जनाएको छ । यसबारे प्रहरीले थप अनुन्धान गरिरहेको छ ।
