बारा । बारा जिल्लाको निजगढ नगरपालिका वडा नम्बर-११ मा आयोजित दोश्रो वडा अध्यक्ष गोल्डकापको उपाधी योङ्ग स्टारले जितेको छ । निजगढ-१० लालले विरगंज युनाईटेड नारायनी क्षेत्रीय टोलीलाई ४-२ ले हराउँदै योङ्ग स्टारले उपाधी जितेको हो । दोश्रो वडा अध्यक्ष गोल्डकप्को अन्तिम खेलमा शनिबार नेपाल राष्ट्रिय माध्यमिक विद्यालयमा दुवै टिमबीच कडा प्रतिस्पर्धा भएको थियो । गोल्डकपको अन्तिम दिन दुवै टोलीले राम्रै प्रदर्शन गरेका थिए । तर विरगंज युनाइटेड अवसरलाई सदुपयोग गर्न नसक्दा उपविजेतामा चित्त बुझाए । दुवै टोलीबीचको खेलमा योङ्ग स्टारलाई जित दिलाउन विजय दोङ्गले सर्वाधिक २ गोल गरेको थियो त्यस्तै समीर तामाङ्गको एक गोल र एक गोल आत्मघाती गोल भएका थिए । यो गोल संगै योङ्ग स्टारको ४ गोलको अग्रता भएका थिए ।

त्यस्तैगरी ४ गोल खाएको विरगंज युनाइटेडले भने एक गोल आत्मघाती र डिबक्स भित्र गोलरक्षकले गरेको गल्तीमार्फत पाएको पेनाल्टीमा हिमेश माझीले गोल गर्दै टोलिलाई दुई गोल फर्काएका थिए । विजेताले नगद एक लाख सहित ट्रफी प्राप्त गरे भने उपविजेताले पचास हजार नगदसहित ट्रफी प्राप्त गरेको छ । त्यस्तै प्रतियोगिताको विजेता एवं उपविजेता टिमका साथै खेलाडीहरुलाई कार्यक्रमका प्रमुख अतिथी निजगढ नगरपालिका वडा नम्बर ११ वडा अध्यक्ष सहईया गुरो थारुले पुरस्कार प्रदान गरेका थिए । क्लबले खेल अवधिभर साथ सहयोगीहरु तथा विभिन्न विधामा सहयोग गर्नेहरुलाई सम्मान सहित प्रमाणपत्रले सम्मन गरेको छ ।
कार्यक्रममा निजगढ १२ का वडा अध्यक्ष, ज्ञानबहादुर गोले, निजगढ-१३ का वडा अध्यक्ष सर्य घलानलगायतले खेलाडीलाई खेलकुदको नारेमा महत्त्वपुर्ण सुझाव र शुभकामना राखेका थिए । क्लबका अध्यक्ष सन्तोषकुमार दनुवारको अध्यक्षतामा भएको कार्यक्रमको सञ्चालन भने क्लबका सचीव उमेश गुरोले सञ्चालन गरेका थिए । सो गोल्डकपमा सहभागी टीमहरु हेटौंडा फुटबल एकेडेमी मकवानपुर, जनअभियान बारागढी बारा, विरगंन्ज युथ एकेडेमी पर्सा, योङ्ग स्टार निजगढ-१० लाल, विरगन्ज युनाइटेड पर्सा, एभरेष्ट एकेडेमी सर्लाही, चन्द्रपुर गैडाटार रौतहट र आयोजना दुई टिमगरि ९ फुटबल टोलिको सहगीता रहेको थियो ।