काठमाण्डौ । काभ्रे जिल्लामा पराल बोकेको मिनी ट्रक दुर्घटना हुँदा दुई जनाको मृत्यू भएको छ । आज (मङ्गलवार) कैरेभन्ज्याङ स्थितमा कुशादेवीबाट नयाँ गाँउ तर्फ गरेको बा ४ ख ६७२३ नम्बरको ट्रक सिला भञ्ज्याङमा दुर्घटना भएको हो । मिनी ट्रक ब्रेक फेल भई सडक बाट ६०० मिटर तल खसेको थियो ।
दुर्घटनामा मिनी ट्रकमा सवार चालक पनौती नगरपालिका वडा नं. २ कुशादेवी बस्ने ४० वर्षीय रविन आचार्य र बेथानचोक गाउँपालिका वडा नं. २ बस्ने ५० वर्षीय शिवविक्रम केसीको मृत्यू भएको जिल्ला प्रहरी कार्यालय काभ्रेका सूचना अधिकारी एवम् डीएसपी राजकुमार श्रेष्ठले जानकारी दिए ।
दुर्घटनामा बेथानचोक वडा नं. २ की ४५ वर्षीया शारदा तिमल्सिना गम्भीर घाइते भएकी छिन् । उनको शिर मेमोरियल अस्पतालमा उपचार भइरहेको छ ।
