काठमाडौं । ललिता निवास प्रकरणमा थप २ जनालाई प्रहरीले पक्राउ गरेको छ । बालुवाटारमा रहेको ललिता निवासको सरकारी जग्गा हडपेको आरोपमा नक्कली मोही बनेका व्यक्तिहरू पक्राउ परेका हुन् ।
केन्द्रीय अनुसन्धान ब्यूरो (सीआईबी) ले सोमबार सञ्जय महर्जन र सकुलानन्द महर्जन पक्राउ गरेको हो। सञ्जय र सकुलानन्दमाथि ११२ रोपनी जग्गा र नक्कली टिकिंछा गुठीको नाममा जग्गा लिँदा नक्कली मोही बनेको आरोप रहेको छ। उनीहरुलाई ब्यूरोको महाराजगञ्जस्थित कार्यालयमा लगिएको छ।
हालसम्म यस प्रकरणमा १९ जनालाई प्रहरीले पक्राउ गरिसकेको छ ।
