काठमाडौं । चितवन निर्वाचन क्षेत्र नम्बर २ मा वैशाख १० गते उपनिर्वाचन हुने भएको छ । निर्वाचन आयोगको आइतबार बसेको बैठकले यस्तो निर्णय गरेको हो ।
सो क्षेत्र गत मंसिरमा सम्पन निर्वाचनमा राष्ट्रिय स्वतन्त पार्टी (रास्वपा) का रवि लामिछानेले जितेको क्षेत्र हो । तर, नागरिकता विवादमा सर्वोच्च अदालतले लामिछानेको सांसद पद खारेज गरिदिएको थियो ।
यस अघि रवि लामिछानेसँग नेकपा एमालेका कृष्ण भक्त पोखरेल, कांग्रेसबाट उमेश श्रेष्ठ प्रतिस्पर्धामा थिए ।
अहिलेको सत्ता समिकरण भने फरक छ । अहिले रास्वपाले एमाले माओवादी गठबन्धनलाई समर्थन गरेको कारण पनि रवि लामिछानेलाई एमालेले समर्थन गर्ने संकेत दिएको छ ।
त्यस क्षेत्रबाट रवि लामिछानेले ४९ हजार २६४ मत ल्याएर विजयी भएका थिए ।
