काठमाडौं । मकवानपुर प्रतिनिधि सभा निर्वाचन क्षेत्र नम्बर २ बाट नेकपा (एमाले) का उम्मेदवार महेश बर्तौला बिजयी भएका छन् ।
बर्तौलाले नेकपा (एकीकृत समाजवादी) का विरोध खतिवडालाई ४ हजार ५ सय २० मतान्तरले पराजित गर्दै पहिलोपटक प्रतिनिधि सभाको यात्रा तय गरेका हुन् ।
कुल ८६ हजार ३१ मत खसेकोमा बर्तौलाले ३४ हजार नौ सय १६ मत पाउदा खतिवडाले ३० हजार तीन सय ९६ मत पाए ।
खतिवडा यसअघिका निर्वाचनहरुमा लगातार चार पटक निर्वाचित भएका थिए ।
