काठमाडौं । काठमाडौं प्रतिनिधि सभा निर्वाचन क्षेत्र नम्बर १० मा नेपाली कांग्रेसका उम्मेदवार राजन केसी विजयी भएका छन् । उनी यसअघि भएका लगातार दुई निर्वाचनमा पनि विजयी भएका थिए ।
यसपटक उनी १४ हजार ४५८ मतसहित विजयी भए । उनका निकटतम प्रतिस्पर्धी नेकपा (एमाले) का उम्मेदवार हिमेस केसीले ११ हजार ७ सय ८६ मत पाएका छन् ।
रास्वपाका प्रदीप विष्टले ८ हजार ७३६ र नेकपा (माओवादी केन्द्र) की अन्जना विशंखेले ५ हजार २६२ मत पाएका छन् ।
