काठमाडौं । पूर्व सभामुख तथा नेकपा माओवादी केन्द्रको स्थायी समिति सदस्य ओनसरी घर्तीले काठमाडौं क्षेत्र नम्बर २ बाट प्रतिनिधिसभा सदस्यका लागि उम्मेदवारी दर्ता गरे लगत्तै चुनावी कार्यक्रम सुरु गरेकी छन् । पार्टीको निर्णय अनुसार ५ दलीय वाम लोकतान्त्रिक गठबन्धनको साझा उम्मेदवार बनेकी उनले आज काठमाडौं क्षेत्र नम्बर २ को निर्वाचन अधिकृतको कार्यालय थलीमा उम्मेदवारी दर्ता गरिन् ।
उम्मेदवारी दर्ता गरे लगत्तै उनी वेपत्ता परिवार भेट्न काठमाडौं २ मा रहेको कागेश्वरी मनोहरा वडा नम्बर –६ मूलपानीमा पुगेकी हुन् । मूलपानी पुगेर माओवादी स्थायी समिति सदस्य समेत रहेकी घर्तीले बुद्धि पोखरेल ‘अमृत’का बाबा आमासँग भेटेर जितको शुभकामना तथा आर्शिवाद ग्रहण गरिन् ।
पोखरेललाई राज्य पक्षबाट २०६१ सालमा बेपत्ता पारिएको उनका परिवारका सदस्यले बताएका छन् । पोखरेलको अवस्था अझै पत्ता लागेको छैन ।
रोल्पाली चेली घर्तीले अबको राजनीतिक जिवन काठमाडौं २ मा समर्पण गर्ने र यो क्षेत्रका जनताको सेवाका लागि अनुमति लिन आएको बताउँदै चुनावी कार्यक्रम सुरु गरेकी हुन् । वेपत्ता परिवारका सदस्यसँगको भेटमा उनले आफ्नो छोरा छोरी सम्झिन आग्रह गर्दै वेपत्ता छोराको सपना पूरा गर्न पनि माओवादी र आफ्नो जित आवश्यक रहेको बताईन ।
माओवादी जनयुद्धमा प्रत्येक्ष होमिएर सैन्य कमाण्डको नेतृत्व गरेकी घर्तीले आफ्नो जिल्ला रोल्पामा समेत सहिद तथा वेपत्ता परिवारको संख्या निक्कै ठूलो रहेको र त्यसको मर्म आफूले प्रत्येक्ष रुपमा अनुभव गरेको सुनाईन् ।
वेपत्ता परिवारसँगको भावपूर्ण भेटघाटमा वेपत्ता नागरिक अधिकारीका आमाले आफ्नो छोरा छोरी नै माओवादी पार्टी रहेको रुंदै सुनाईन् । उनले आफ्ना छोराको सपना साकार पार्न माओवादीले जित्नै पर्ने भन्दै उम्मेदवार घर्तीलाई विजयको शुभकामना दिएकी छन् ।
संघीय संसदको प्रतिनिधि सभामा सभामुखको सफल कार्यकाल व्यतित् गरेकी घर्तीलाई नेकपा माओवादी केन्द्रले काठमाडौं २ को टिकट दिएपनि उनी आइतबारदेखि चुनावी मैदानमा उत्रिएकी हुन् ।
पार्टीको निर्णय र आफ्नो चाहानाको समिश्रणका रुपमा आफूले टिकट पाएको बताएकी नेता घर्तीले संविधान कार्यान्वयन गराउने र देशको विकास गर्ने गठबन्धनको मिसन रहेको र त्यसलाई सिंगो गठबन्धनले नै जिताएर सफल पर्ने उनले विश्वास व्यक्त गरेकी छन् ।
काठमाडौं २ मा संघीय संसदमा घर्तीसँगै प्रदेश क मा नेपाली काँग्रेसले ध्रुव केसीलाई अघि सारेको छ भने ख मा एकीकृत समाजवादीले भरतप्रसाद फुँयाललाई टिकट दिएको छ ।
