अर्घाखाँची । एउटा मात्रै निर्वाचन क्षेत्र रहेको अर्घाखाँचीबाट सम्भावित उम्मेदवारको नाम सार्वजनिक भइसकेको छ । यद्यपी यसपटक अर्घाखाँचीमा नेपाली कांग्रेसले चुनाव जित्न भने फरक रणनीति अवश्य अपनाउनु पर्नेछ । जस अनुसार उम्मेदवार चयन गर्दा नै गुट र टिकट वितरणको सन्तुलन मिलाउनु पर्नेछ ।
जिल्लामा चलेको चुनावी चर्चा र जिल्लाका शीर्ष नेताहरुमा यसपटकको चुनावमा व्यक्तिको नाम नै किटान गरेर उम्मेदवार बनाउन पार्टीलाई सुझाव दिइरहेका छन् । हालको चर्चा अनुसार आगामी चुनावमा अर्घाखाँचीमा प्रत्यक्षको लागि कांग्रेसबाट पुष्पा भुसाललाई अघि सार्ने संकेत देखिएको छ । तर जिल्लामा भुसाल दोधार र अडान नभएकी नेतृमा पर्छिन् ।
त्यस्तै समानुपातिकतर्फ डा. रामवहादुर विसी, रेवती भुसाल र पिताम्बर शर्मा भुसाललाई उम्मेदवार बनाउन सके जित्न सक्ने आधार देखिएको छ । डा. विसि पहिले शेरवहादुर गुट र हाल रामचन्द्र गुटमा छन् । त्यस्तै, रेवती रामचन्द्र पौडेल गुटका हुन् भने भुसाल गुटबिहीन नेताको रुपमा चिनिन्छन् ।
जिल्लाको प्रदेश ‘क’ प्रत्यक्षमा विष्णु मुस्कान, समानुपातिक ‘क’ मा तारा श्रेष्ठ र लक्ष्मी श्रेष्ठलाई पार्टीले अघि सानुपर्ने छ । मुस्कान रामचन्द्र गुट र श्रेष्ठ शेर वहादुर गुटका मानिन्छन् । लक्ष्मी श्रेष्ठको भने गुट खुलेको छैन । समानुपाति ‘ख’ तर्फ प्रत्यक्षमा रामचन्द्र गुटका कमल भुसाललाई अघि सार्दा उचित हुने धेरैको बुझाई छ ।
त्यस्तै समानुपातिकमा कमला आचार्य र सूर्य अधिकारीलाई पार्टीले उम्मेदवार बनाउदा जिल्लामा कांग्रेसले जित हात पार्न सक्ने सम्भावना देखिन्छ । अधिकारी दोधारे र अवसरवादी नेताका रुपमा छन् भने आचार्य शेर वहादुर निकट रहेको मानिन्छ । जिल्लाका पाका नेताहरुका अनुसार पनि कांग्रेसले जिल्लामा उम्मेदवार चयनमा समानता ल्याए कांग्रेसलाई फाइदा नै पुग्छ । यी व्यक्तिलाई उम्मेदवार बनाउँदा जिल्लामा कांग्रेसका सबै गुट र उपगुट समावेश हुन्छन् । सोहि आधारमा जिल्लामा चुनावी परिणाम पनि कांग्रेसको पोल्टामा पर्न सक्ने आकलन गरिएको छ ।
यसबाहेक गठबन्धनमा जाने हो भनेपनि अर्घाखाँची २ मा ६५ प्रतिशत कांग्रेस, २५ प्रतिशत माओवादी, दश प्रतिशत जनमोर्चा र दश प्रतिशत नेकपा एकिकृत समाजवादीले मत ल्याउन सक्ने छ । त्यस्तै १ मा नेपाली कांग्रेस, जनमोर्चा र माओवादीको बराबर मत ल्याउन सक्ने देखिन्छ । यसरी गठबन्धन भयो वा उम्मेदवार चयन भयो भने अर्घाखाँचीमा नेपाली कांग्रेसले बाजी मार्न सक्ने छ । त्यस्तै प्रदेश क मा तीनवटै पार्टीमा बराबर भोट आउने देखिन्छ ।
