काठमाडौं । काठमाडौं महानगरपालिकाले १५ दिनभित्र कंलकीमा रहेको खसीबजार हटाउन निर्देशन दिएको छ ।
महानगरले बिहीबार एक सुचना जारी गर्दै सूचना प्रकाशित भएको १५ दिनभित्रमा खसी बजार हटाउन निर्देशन दिएको हो ।
महानगरले फोहोरमैलाका कारण वातवरणमा गम्भीर असर परेको भन्दै स्थानीयले उजुरी दिएपछि भाटभटेनीसँगै बल्खु खोलामा जोडिएको ७ रोपनी ८ आना जग्गामा रहेको खसी बजार हटाउन निर्देशन दिएको हो ।
महानगरले सुचनामा व्यवसायी स्वयंलाई वैकल्पिक व्यवस्था गरेर खसी बजार हटाउन भनेको छ ।
