काठमाडौं । काठमाडौंको कोटेश्वरमा हिजो बेलुका भएको दुर्घटनामा एक जनाको मृत्यू भएको छ । एक जना घाइते भएका छन् ।
दुर्घटनामा पैदलयात्रु स्याङजाका ५२ वर्षका देवकुमार सेनको मृत्यू भएको प्रहरीले जनाएको छ । पैदलयात्रुलाई ठक्कर दिएको बा २ ख १२३१ नम्बरको माइक्रो अनियन्त्रित भएर ट्रकमा ठोक्किएको थियो । माइक्रोका परिचालक घाइते भएका छन् । घाइते परिचालकको सिभिल अस्पताल नयाँ बानेश्वरमा उपचार भइरहेको छ ।
ट्रकका चालकलाई प्रहरीले पक्रेको छ भने माइक्रोका चालक भागेका छन् । उनको खोजी भइरहेको प्रहरीले जनाएको छ ।
