ललितपुर । ललितपुरको बागमती गाउँपालिका वडा नं. ३ भट्टेडाडा पोखरीचौर कार्की डाँडा बस्ने ४९ वर्षीय रामहरि बजगाईको करेन्ट लागेर बुधबार बिहान मृत्यु भएको छ ।
आफ्नै घरमा बिजुलीको काम गर्ने क्रममा अचानक करेन्ट लागेर गम्भीर घाइते भएका उनको स्थानीय मेडिकल हुँदै थप उपचारको लागि गोदावरी नगरपालिका–६ टिकाभैरवस्थित आनन्दवन अस्पतालतर्फ लैजाने क्रममा बाटोमै मृत्यु भएको हो ।
यसबारे थप अनुसन्धान गरिरहेको वृत्त चापागाउँले जनाएको छ ।
