काठमाडौँ । मकवानपुरको हेटौँडा उपमहानगरपालिकामा नेकपा (एकीकृत समाजवादी) विजय भएको छ ।
बागमती प्रदेशको राजधानी समेत रहेको उपमहानगरमा नेकपा (एस) की मीना कुमारी लामा मेयर पदमा निर्वाचित भएकी हुन् । उनले २३ हजार ७५ मत प्राप्त गरिन् ।
उनका निकटतम प्रतिस्पर्धी नेकपा (एमाले) का अनन्त प्रसाद पौडेलले २० हजार ९ सय ८ मत प्राप्त गरे भने तेस्रो भएका राप्रपाका दीपकबहादुर सिंहले २० हजार ५ सय ३१ मत प्राप्त गरे ।
त्यस्तै उपमेयर पदमा नेपाली कांग्रेसका राजेश बानियाँ निर्वाचित भएका छन् । उनले ३२ हजार ५ सय ९३ मत प्राप्त गरे । त्यस्तै, उनकी निकटतम प्रतिस्पर्धी सुमित्रा काफ्लेले २३ हजार ९ सय ९ मत ल्याइन् ।
त्यस्तै, तेस्रो भएको राप्रपाकी इन्दिरा न्यौपानेले ५ हजार ४ सय ८३ मत प्राप्त गरिन् ।
