ललितपुर । ललितपुरमा मोटरसाइकलको ठक्करबाट एक जनाको मृत्यु भएको छ।
मंगलबार राति ललितपुर–१७, ग्वार्कोको पेट्रोलपम्प अगाडी मुख्य सडकमा बुलेट मोटरसाइकलको ठक्करबाट घाइते भएका व्यक्तिको बुधबार बिहान मृत्यु भएको ललितपुरका प्रहरी उपरीक्षक सिद्धिविक्रम शाहले जानकारी दिए।
कोटेश्वरबाट ग्वार्कोतर्फ आउँदै गरेको बागमति प्रदेश ०२–०२३ प ०४९१ नम्बरको बुलेट मोटरसाइकलले ठक्कर दिँदा अन्दाजी ३८ वर्षीय पुरुष घाइते भएका थिए। उनलाई बी एण्ड बी अस्पतालमा उपचारका लागि लगिएको थियो। बुधबार बिहान करिव ३ बजे उनको मृत्यु भएको हो।
मोटरसाइकल चालक ललितपुरको नखुडोलका ४२ वर्षीय देबबहादुर थापालाई प्रहरीले पक्राउ गरेको छ। मृतकको सनाखत हुन नसकेको एसपी शाहले बताए।
