ललितपुर । ललितपुरको महालक्ष्मी नगरपालिकाको नेतृत्व गर्ने इच्छाशक्तिसहित शिव प्रसाद कट्टेल चुनावी मैदानमा छन् । लामो समय सामाजिक र राजनीतिक क्षेत्रमा सक्रिय उनी यसपटक नगरवासीको सेवाकै लागि मेयर बन्न लागेका हुन् । निर्वाचन आयोगको आचारसंहिता अनुसार उनी तोकिएको समयमा जनताको घरघरमा पुगेर चुनावी अजेण्डा साट्दै आफूलाई जिताउन अपिल गर्दै आइरहेका छन् । स्थानीयको समस्यामा हातेमालो गर्ने र समस्या समाधान गरिदिन महानगरको नेतृत्वमा पुग्न चाहेको भन्दै उनले यसपटक आफूलाई जिताउन अनुरोध पनि गरेका छन् । उनी घर दैलो अभियान अन्तर्गत सबै वडाका स्थानीयवासीको घरघरमा पुगेका छन् । उनले यसपटक चुनावमा जिते हालसम्मकै उत्कृष्ट काम गर्ने प्रतिवद्धता गरेका छन् ।

त्यसो त शिव कट्टेल ललितपुरको महालक्ष्मी क्षेत्रमा निकै चर्चित छन् । यहाँको समुदायसँग उनी तीन दशकदेखि सामिप्यता गास्दै आएका छन् । ‘मैले राजनीतिलाई समाज सेवाको रुपमा लिएको छु, तीन दशकदेखि महालक्ष्मीको विकासको लागि कुनै न कुनै पक्षबाट भुमिका निर्वाह गरेको छु,’ उनल भने, ‘त्यसकारण पनि यहाँका स्थानीयवासीले मलाई भोट दिनुहुन्छ भन्ने विश्वास लिएको छु।’ उनीसँग लामो समय सामाजिक र स्थानीय स्तरका रहेर राजनीतिक नेतृत्व गरेको अभुवन छ । अनुभव, भुमिका र स्थानीयको माग अनुसार नै उनी महालक्ष्मीको मेयरको प्रत्यासी बनेका हुन् । ‘म महालक्ष्मीलाई व्यवस्थित पार्न चाहन्छु, यहाँको भित्रि सहर, खानेपानी, सडक, संस्कृति, पर्यटन, रोजगार, शिक्षा, स्वास्थ्यजस्ता क्षेत्रलाई प्राथमिकतामा राखेर काम गर्ने योजना लिएर उम्मेदवार बनेको छु,’ उनले भने, ‘विगतमा हुन नसकेका काम र नयाँ थप योजनाअनुसारका काममा म पाँच वर्ष अहोरात्र खटिने छु ।’

महालक्ष्मी क्षेत्रमा पर्यटन विकास, स्थानीय उत्पादनलाई प्रवद्र्धन गर्ने, सम्पदा संरक्षण र भित्रि सहरको व्यवस्थापनलाई उनले पाँच वर्षमा आफूले गर्ने मुख्य कामभित्र समेटेका छन् । आफू उम्मेदवार भए नगरपालिकाको शिक्षा क्षेत्रलाई पनि सुधार गर्ने उनको योजना छ । त्यस्तै, रोजगार सिर्जना गर्ने, परम्परागत हस्तकलाका सामानलाई बजारीकरण गर्ने, स्वास्थ्य क्षेत्रलाई प्रभावकारी बनाउनेलगायत योजना पनि उनको घोषणापत्रमा समावेश गरेका छन् ।

कट्टेल २०४९ सालदेखि माओवादी राजनीतिमा औपचारिक प्रवेश गरेका थिए । त्यसपछि २०६२÷०६३ को राजनीतिक द्धन्द्धकालमा उनी आन्दोलनमा होमिए । त्यसपछिका राजनीतिक गतिविधिमा उनी थप सशक्त भएर लागिपरे । राजनीतिकसँगै सामाजिक कार्यमा पनि उनी सहभागि भए । उनी आफू जान्नेबुझ्ने भएपनि राजनीतिक र सामाजिक गतिविधि र परिवतर्नको पक्षमा रहँदै आए । त्यस्तै समाजसेवामा पनि उनी लामो समय टिकिरहेका छन् । हालसम्म पनि राजनीतिक र समाजिक कार्यलाई एकैसाथ अघि बढाइरहेका छन् ।

यी हुन उनलाई जिताउने आधार
- उनले आफू निर्वाचित भए नगरपालिका भित्रको प्रशासनिक सुधार गर्ने, प्रशासनिक भवन निर्माण गर्ने योजनालाई पनि अघि सारेका छन् ।
- त्यस्तै भित्री सहरमा देखिएका खानेपानी, ढल र सडकको समस्या पनि समाधान गर्ने उनको योजना छ ।
- लाकुरी भन्ज्याङलाई थप व्यवस्थित पारी पाटन क्षेत्रमा आएका पर्यटकलाई उक्त क्षेत्रमा लैजाने उनको योेजना छ ।
- रिङरोड प्रवेशद्धार ग्वार्कोमा अत्यन्तै ट्राफिक जाम बढेको छ । महालक्ष्मी नगरपालिकाका मेयरका उम्मेदवार कट्टेले आफू निर्वाचित भए पाँच वर्षमा ग्वार्कोमा फ्लाई ओभर निर्माण गर्ने प्रतिवद्धता जनाएका छन् ।
- नक्सापास बिनानै बनेका र करको दायरामा नआएकालाई छुटसहित नक्सापार र करको दायरामा ल्याउने कट्टेलको भनाई छ ।
- कर तिर्न वाँकी र नक्सापास नगर्नेलाई विषेश छुट दिएर भएपनि करको दायरामा ल्याउने उनको योजना छ ।
- उनी निर्वाचित भएपनि नगरपालिकामा दीर्घ रोगीलाई निशुल्क औषधी वितरण गरिने छ ।
- पालिकाका स्वास्थ्य चौकीबाट उपचार सम्भव नभएका र अन्य विरामीले यस अस्पतालमा उपचार सेवा लिन सक्नेछन् ।
- पालिकाले निर्माण गर्ने अस्पतालमा सहुलियतामा उपचार सेवा लिन पाइने छ । त्यस्तै पालिकाभरीका दीर्घरोगीलाई निशुल्क औषधी वितरण गरिने छ ।