ललितपुर । ललितपुरको पाटन औद्योगिक क्षेत्रमा अक्सिजनको सिलिण्डर विस्फोट भएको छ । महानगरीय प्रहरी परीसर ललितपुरका प्रवक्ता, प्रहरी उपरीक्षक सिद्धिविक्रम थापाका अनुसार औद्योगिक क्षेत्रमा रहेको सगरमाथा अक्सिजन उद्योगमा आज विहान १० बजे बिस्फोट भएको हो ।
विस्फोटमा परी एक जनाको मृत्यू, ४ जना घाइते भएको छ । आज बिहान ग्यास भर्ने क्रममा अक्सिजन प्लान्टमा विस्फोट भएको हो । मृतकको हालसम्म पनि पहिचान खुलिसकेको छैन।
अहिले प्रहरीले प्लान्टमा कार्यरत श्रमिकलाई उद्धार गरिरहेको छ । घाइते मध्ये तीन जनालाई पाटन अस्पताल र एक जनालाई बी एण्ड बी अस्पताल लगिएको छ।
