ललितपुर । महालक्ष्मी नगरपालिका वडा नं. ४ सेतीपाखामा अवैद्य रुपमा जुवातास खेलिरहेको अवस्थामा २४ जनालाई शनिबार राति प्रहरीले पक्राउ गरेको छ । पक्राउ पर्नेमा एकबहादुर राना लगायत २४ जना रहेका छन् ।
उनीहरुको साथबाट प्रहरीले ३ लाख ८५ हजार ३३० रुपैयाँ नगद र जुवातास खेल्न प्रयोग गरेको तास समेत बरामद गरेको छ ।
विशेष सूचनाका आधारमा उनीहरुलाई नियन्त्रणमा लिइएको हो । पक्राउ परेकाहरुलाई तास, जुवा ऐनअन्तर्गत कारबाही हुने प्रहरीले जनाएको छ ।
प्रहरीले गत मंगलबार राति पनि महालक्ष्मी नगरपालिका वडा नं. ४ ओचुहाइटमा विनोद कुमार श्रेष्ठले संचालन गरेको ओचु व्याडमिण्टन क्लबको घरभित्र अवैद्य रुपमा जुवातास खेलिरहेको अवस्थामा २५ जनालाई पक्राउ गरेको थियो ।
