ललितपुर । कोञ्ज्योसोम गाउँपालिका, वडा नं. १ चौघरेको ठोस्नेखोलामा बेलिब्रिज निर्माण हुने भएको छ । सोमबार एक कार्यक्रममा बीच कोन्ज्योसोम गाउँपालिकाका अध्यक्ष गोपीलाल सिङ्तानले शिलान्यस गरेका हुन् ।
दक्षिण ललितपुरको कोन्ज्योसोम गाउँपालिकाको शंखु हुँदै महांकाल गाउँपालिकाको मानीखेल, बुखेलसम्म जनताहरु लाभान्विन हुने अध्यक्ष सिङ्तानले बताए ।
प्रदेश सरकारको समपुरक कोषबाट प्राप्त हुने ९९ लाख ६० हजार र गाउँपालिकाको १ करोड ५ लाखको कुल लागतमा बेलिब्रिज निर्माण हुन लागेको अध्यक्ष सिङ्तानको भनाई छ । उक्त पुल निर्माणका लागि जलप – खी चक्र जेभी कम्पनीसंग २ करोड ४ लाख ५३ हजार बराबरको ठेक्का सम्झौता भएको छ ।
कोन्ज्योसोम गाउँपालिकाको ऐतिहासिक महत्व बोकेको यो पुल समयमै निर्माण सम्पन्न गर्नका लागि सिङ्तानले ठेकेदारलाई आग्रह गरे । सम्झौता अनुसार आगामी २०७९ जेठ १५ सम्म पुल निर्माण सम्पन्न गरिसक्नु पर्नेछ ।
