काठमाडौं । पर्यटन बोर्डका कार्यकारी अधिकृत सिइओ) डा. धनञ्जय रेग्मीले पर्यटन व्यवसायी र पर्यटन मजदुरहरुलाई होच्याउने गरी अभिव्यक्ति दिएको भन्दै ट्रेकिङ एजेन्सिज एसोसिएसन अफ नेपाल (टान)ले आपत्ति जनाएको छ ।
शुक्रबार बेलुका बीबीसी नेपाली सेवाको एक कार्यक्रममा डा. रेग्मीले पर्वतीय पर्यटन र यससँग आवद्ध व्यवसायी तथा मजदुरहरुलाई लक्षित गर्दै हाच्याउने गरी तल्लो स्तरको भाषा शैली प्रयोग गरेको थिए ।
आइतबार एक विज्ञप्ती जारी गर्दै टानका प्रथम उपाध्यक्ष चोलेन्द्र कार्कीले पर्यटन बोर्डको कार्यकारी जस्तो जिम्मेवार पदमा रहेका व्यक्तिले दिएको अभिव्यक्तिप्रति गम्भिर ध्यानाकर्षण भएको जनाए । कोरोना महामारीको समयमा रेग्मीले दिएको अभिव्यक्तिप्रति सार्वजनिक रुपमा माफी माग्नुपर्ने कार्कीले माग गरे ।
