काठमाडौं । नयाँ फिडर तान्नका लागि नेपाल विद्युत प्राधिकरणले आइतबार पुल्चोक वितरण केन्द्रबाट हुने बिजुली आपूर्ति बन्द गर्ने भएको छ ।
पुल्चोक वितरण केन्द्रदेखि टेकु रिङरोड फिडरबाट वितरित ११ केभी लाइनमा नयाँ फिडर तान्न आज आइतबार बिहान ११ बजेबाट दिउँसो ३ बजेसम्म बिजुली आपूर्ति बन्द हुने प्राधिकरणले जनाएको छ ।
पुल्चोक फिडर अन्तर्गत बागडोल एरिया आसपास, सनराइज टावर अफ लोडल, सानेपा रिङरोड बाहिर, खाद्य गोदाम आसपास, चाइनिज क्याम्प एरिया लगायत उक्त फिडरबाट सप्लाइ लिएका क्षेत्रहरुका बिजुली आपूर्ति बन्द हुनेछ ।
