ललितपुर । ३६ वर्षीया महिलालाई जबरजस्ती करणी गरेको अभियोगमा लिलबहादुर मगर पक्राउ परेका छन् ।
ललितपुरको महालक्ष्मी नगरपालिका वडा नं. ६ डेरा गरी बस्ने उदयपुर त्रियुगा नगरपालिका वडा नं. ३ साउने घर भएका २२ वर्षीय मगरलाई सोमबार बिहान प्रहरीले पक्राउ गरेको हो ।
मगरले ती महिलालाई गतसाउन २१ देखि साउन ३२ गतेसम्म ललाईफकाई आफ्नै डेरामा राखी पटक पटक जबरजस्ती करणी गरेका थिए । महानगरीय प्रहरी वृत्त महाराजगंजबाट खटिएको टोलीले उनलाई पक्राउ गरेको थियो ।
यसबारे थप अनुसन्धान गरिरहेको महानगरीय प्रहरी वृत्त सातदोबाटोले जनाएको छ ।
