ललितपुर । ललितपुरको महालक्ष्मी नगरपालिका वडा नं. १ इमाडोलमा गएराति स्कुटर दुर्घटना हुँदा एक जनाको मृत्यु भएको छ ।
बागमती प्रदेश ०२–०२६ प ८१५५ नम्बरको स्कुटर दुर्घटना हुँदा ललितपुरको लामाटार बस्ने ३७ वर्षीय विनोद बुढाथोकीको मृत्यु भएको ललितपुर प्रहरीले जनाएको छ ।
बुढाथोकीलाई उपचार गर्न ग्वार्कोस्थित बी एण्ड बी अस्पताल लगिएको थियो । अस्पताल पुर्याएलगत्तै चिकित्सकले उनलाई मृत घोषणा गरेका थिए ।
स्कुटर आफैं अनियन्त्रित भएर दुर्घटना भएको महानगरीय प्रहरी वृत्त सातदोबाटोका डीएसपी दिनेश घिमिरेले बताए ।
