काठमाडौं । महानगरीय ट्राफिक प्रहरी महाशाखाले आज होलीका दिन ट्राफिक चेकिङमा कडाइ गरेको छ । दुर्घटना र कोरोना महामारीलाई ध्यानमा राख्दै ट्राफिक चेकिङमा कडाइ गरेको हो ।
चोकचोकमा ट्राफिक चेकिङ भइरहेको महानगरीय ट्राफिक प्रहरी महाशाखाले जनाएको छ । काठमाडौं उपत्यकाभरि ९० ठाउँमा ट्राफिक चेकिङ भइरहेको महाशाखाका प्रवक्ता, एसपी श्यामकृष्ण अधिकारीले जानकारी दिए।
उनका अनुसार आज राति ९ बजेसम्म चेकिङ जारी रहनेछ । अहिलेसम्म १५० सवारी–साधन कारबाहीमा परिसकेको जनाइएको छ ।
