ललितपुर । बलात्कारको आरोपमा वृत्त चापागाउँले दक्षिण ललितपुरको बागमती गाउँपालिका वडा नं. ७, गिम्दी, मगरगाउँका एक पुरुषलाई नियन्त्रणमा लिएको छ ।
फागुन २६ गते गिम्दी प्रहरीसँग समन्वय गरी वृत्त चापागाउँले ललितपुरको चापागाउँ, टाखेलबाट वर्ष ३२ का रबि केप्छाकीलाई नियन्त्रणमा लिइएको वृत्त चापागाउँका प्रमुख, डीएसपी टेक बहादुर कार्कीले जानकारी दिए ।
उनीमाथि १५ वर्षीया बालिका जबरजस्ती करणी गरेको आरोप छ । प्रहरीले केप्छाकीलाई नियन्त्रणमा लिन खोज्दा प्रहरीमाथि हातपात गर्न खोकेपछि उनलाई नियन्त्रणमा लिई अभद्र व्यवहारको मुद्दामा प्रहरी हिरासतमा राखिएको छ । अभद्र व्यवहारको कसुरमा ५ दिनको म्याद थपेर अनुसन्धान भइरहेको डीएसपी कार्कीको भनाई छ ।
पीडित किशोरी तथा आफन्तले उजुरी दिन नमानेपछि कानुनी प्रक्रिया अघि बढाउन समस्या भएको वृत्त चापागाउँका डीएसपी कार्कीले बताए ।
वृत्त चापागाउँका अनुसार पीडित वालिकाका बुबाआमा रोजगारीको सिलसिलामा नयाँ दिल्ली, भारत छन् । तर ती बालिका आफन्तको घरमा बसेर पढ्दै आएकी थिइन् ।
