ललितपुर । दैनिकीन्युज डटकमका सम्पादक रामहरि कार्की कोरोना संक्रमणविरुद्ध विपद पत्रकारिता पुरस्कार–२०७७ बाट सम्मानित भएका छन् ।
नेपाल पत्रकार महासंघको सहकार्यमा एनआरएनए अष्ट्रेलियाको सहयोगमा कोरोना भाइरस संक्रमणको उच्च जोखिम मोलेर चेतनामूलक सामग्री प्रवाह गरेकोमा पत्रकार कार्कीलाई सम्मान एवम् पुरस्कार प्रदान गरिएको हो । उनलाई सम्मान पत्रसहित नगद १० हजार रुपैयाँ पुरस्कारसमेत प्रदान गरिएको छ ।
नेपाल पत्रकार महासंघको २६ औँ अधिवेशनका अवसरमा सूचना, सञ्चार तथा प्रविधिमन्त्री पार्वत गुरुङ र नेपाल पत्रकार महासंघका केन्द्रीय अध्यक्ष गोविन्द आचार्यले संयुक्त रुपमा उक्त पुरस्कार तथा सम्मान पत्र प्रदान गरेका हुन् ।
सो पुरस्कारबाट कार्कीसहित ३५ जना पत्रकारहरु सम्मानित भएका थिए ।
पत्रकार महासंघ ललितपुर शाखा सम्मानित
नेपाल पत्रकार महासंघको २६ औँ साधारण सभाको अवसरमा ललितपुर शाखा सम्मानित भएको छ । पत्रकार महासंघको गतिविधी व्यापक, प्रभावकारी र महाधिवेशन सफल गराउन अहम भूमिका खेलेको भन्दै जिल्ला शाखालाई केन्द्रिय समितिले सम्मान गरेको हो ।
उपराष्ट्रपति नन्दकिशोर पुनको प्रमुख आतिथ्यतामा भएको कार्यक्रममा संचार तथा सूचना प्रविधि मन्त्री पार्वत गुरुङले ललितपुर शाखा अध्यक्ष ज्ञान प्रसाद पौडेललाई सम्मान–पत्र प्रदान गरेका हुन् ।
