बारा । इलाका प्रहरी कार्यालय निजगढ, बाराले अवैद्य रुपमा लुकाई छिपाई राखेको सालको काठ बरामद गरेको छ ।
आज विहान निजगढ–२ सिगोल स्थित बिशेष सुचनाको आधारमा प्रहरी निरीक्षक विकास थपलियाको नेतृत्वमा खटिएको ७ जनाको प्रहरी टोली र अस्थायी प्रहरी पोष्ट सिगोलबाट खटिएको ३ जनाको टोलिले तिर्थलाल ठोकरको घरमा अबैध रुपमा राखेको ४३ क्युफिट बरामद गरेको हो ।
उक्त काठ करिब २ लाख १५ हजार रुपैयाँ बराबरको रहेको प्रहरीले जनाएको छ । नियन्त्रनमा लिएको काठ सबडिभिजन बन कार्यालय तामागढी बारामा बुझाईएको प्रहरी निरीक्षक थपलियाले जानकारी दिए ।
