काठमाडौं । सप्तरी, बोदेबर्साइन नगरपालिका वडा नं. ५ शत्रुधन चोकमा स १ त ४६९३ नम्बरको ट्याक्टरले अनटेस्ट लेखिएको मोटरसाइकललाई बिहीबार राति ठक्कर दिँदा मोटरसाइकल चालक सोही नगरपालिका(७ हैठी बस्ने २३ वर्षीय सुजित यादवको घटनास्थलमै मृत्यु भएको छ । दुर्घटनामा घाइते भएका मोटरसाइकलमा सवार सोही ठाउँ बस्ने २३ वर्षीय टुनटुन भन्ने धर्मेन्द्र यादवलाई उपचारको लागि धरानतर्फ पठाइएको छ । ट्याक्टर चालकलाई प्रहरीले नियन्त्रणमा लिएको छ ।
बाँके, बैजनाथ गाउँपालिका–५ जिगाउँमा से ५ प ६९२६ नम्बरको मोटरसाइकललाई लु २ ख ४४८० नम्बरको फोर्स गाडीले बिहीबार साँझ ठक्कर दिँदा मोटरसाइकलमा सवार कैलाली टिकापुर नगरपालिका-१ बस्ने ३७ वर्षीया देवी लम्सालको मृत्यु भएको छ । दुर्घटनामा गम्भीर घाइते भएकी उनको मेडिकल कलेज कोहलपुरमा उपचारको क्रममा मृत्यु भएको हो । दुर्घटनामा घाइते भएका मोटरसाइकल चालकको सोही अस्पतालमा उपचार भइरहेको छ । गाडी चालकलाई प्रहरीले नियन्त्रणमा लिएको छ ।
