आइतबार सुनचाँदीको भाउ ह्वात्तै घट्यो

काठमाडौं, भदौ १ । आइतबार सुनचादीको भाउ घटेको छ । आइतबार सुन प्रति तोलामा ५ सय रुपैयाले घट्दै प्रति तोला ७१ हजार रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ । गत बिहिबार एकैदिन १२ सयले बढेर तोलाको ७१ हजार ५ सयमा कारोबार भएर नयाँ रेकर्ड कायम गरेको थियो ।

आइतबार तेजावी सुन प्रति तोलाको ७० हजार ७ सय रुपैयाँमा कारोबार भएको छ ।

त्यस्तै आज चाँदीको भाउ पनि घटेको छ । आज चाँदी प्रति तोलामा १० रुपैयाँ घटेर तोला ८ सय ३० रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । तर शुक्रबार चाँदी प्रति तोला ८ सय ४० मा कारोबार भएको थियो ।

प्रकाशित मिति: आइतवार, भदौ १, २०७६ /Sunday, August 18th, 2019, 10:54 am