अल्काटेलका ४ स्मार्टफोन र ३ फीचरफोन नेपाली बजारमा

टिसिएल कम्यूनिकेसनस अन्तरगतको विश्वको प्रख्यात मोबाइल फोन ब्राण्ड अल्काटेल नेपाली बजारमा प्रवेश गरेको छ । विश्वव्यापी नेटवर्क भएको अल्काटेलले नयाँ श्रेणीका स्मार्टफोनहरु र फीचर फोनहरुका साथ नेपाली बजारमा प्रवेश गरेको हो ।
कम्पनीले अल्काटेल वान, अल्काटेल १एस, अल्काटेल थ्रीएक्स, अल्काटेल ३ (३जीबी र्याम प्लस ३२जीबी स्टोरेज), र अल्काटेल ३ (४जीबी र्याम र ६४जीबी स्टोरेज) सहित ४ वटा स्मार्टफोनहरु तथा अल्काटेल २०५३डी, अल्काटेल २००३डी, अल्काटेल १०६६डी फीचर फोन सेगमेन्टमा उपलब्ध गराएको छ । कम्पनीले सबै डिभाइसमा १ वर्षको वारेन्टी तथा एसेसरिजमा ६ महिनाको वारेन्टी दिएको छ ।
अल्काटेलको आधिकारीक बितरकको रुपमा नेपालमा सूचना प्रविधि क्षेत्रका उत्पादनहरु तथा इलेक्ट्रोनिक्सका प्रमुख बितरकमध्ये एक एसएचटिसी इन्टरनेशनल प्रा.लि. रहेको छ।

अल्काटेल ब्राण्ड लन्च भएको अवसर एसएचटिसी इन्टरनेशनल प्रालिका प्रबन्ध निर्देशक श्री अमित अग्रवालले सम्पूर्ण स्मार्टफोनहरुमा शक्तिशाली ब्याट्री, हाई पिक्सेल क्यामरा र विशिष्ट गुणस्तर रहेको बताए । ” ‘घरेलु मोबाइल बजारमा हामी नयाँ उत्पादनहरु ल्याउन पाउँदा निकै हर्षित भएका छौं । हामी निश्चित छौं कि, अल्काटेल स्मार्टफोनहरुमा रहेको उच्चतम यूजर एक्सपेरियन्स, यसको नविनतम डिजाइनहरुका साथमा उच्चस्तरको गुणस्तर तथा विशिष्टीकृत सेवाहरुका साथमा ग्राहकहरुले मन पराउने छन् ।’ उनले भने ।

अल्काटेल, टिसिएल कम्यूनिकेसन्स मोबाइल उद्योगमा नेतृत्वदायी कम्पनी हो र यसले विश्वका १६० भन्दा बढि देशहरुमा आफ्नो बिक्री संचालन गरिरहेको छ ।

ब्राण्ड लन्चको बारेमा बोल्दै टिसिटी कम्यूनिकेसन टेक्नोलोजी होल्डिंग लिमिटेडका इण्डिया क्षेत्रका क्षेत्रिय निर्देशक श्री भारद्धाज पुडिप्पेडीले नेपाल प्रमुख गन्तव्यको रुपमा रहेको भन्दै बृहत श्रेणीका नयाँ स्मार्टफोनहरु र फीचर फोनहरुका साथमा बढिरहेको बजारमा स्थापित हुने योजनाका साथ आएका बताए ।

अल्काटेल ब्राण्डका फोनहरुको मूल्यबारे कुरा गर्दै पुडिप्पेडीले भने , हाम्रा सबै उत्पादनहरु प्रतिस्पर्धी मूल्यमा छन जसले उत्कृष्ट गुणस्तर र विश्वव्यापी नविनतम प्रविधिको सुनिश्चितता दिनेहुँदा यी उत्पादनहरु सूपथ मूल्यमा उपलब्ध छन् ।

स्मार्टफोन सेगमेन्ट
अल्काटेल वानः इमर्सिभ फूल भ्यू १८ः९ रेसियो डिस्प्ले र सोसियल रेडी क्यामरा
बजार मूल्य रु ८,२४९

अल्काटेल १एसः ३जीबी र्याम र ३२ जीबी स्टोरेज, सूपथ मूल्यमा अक्टाकोर डिभाइस
बजार मूल्य रु.१४,७९९

अल्काटेल ३एक्सः ३जीबी र्याम र ३२ जीबी स्टोरेज, एक्स्प्याण्ड योर होराइजन्स
बजार मूल्य रु. १४,७९९

अल्काटेल ३ः (४जीबी र्याम र ६४जीबी स्टोरज) ब्च् इमोजिको साथ ड्योल १६ एमपि र ५ एमपि क्यामरा
बजार मूल्य रु. २१,४९० (यो स्मार्टफोन दराज डटकममा उपलब्ध छ ।)

फीचर फोन सेगमेन्टः
अल्काटेल १०६६डीः युवा वर्ग लक्षित डिजाइन र थुप्रै आर्कषक फिचरका साथमा
बजार मूल्य रु. १,९१०

अल्काटेल २००३डीः ९७० एम.ए.एच ब्याटरी जसले दिन्छ ७ घण्टा सम्मको टक टाइम
बजार मूल्य रु. २,४७५

अल्काटेल २०५३डीः फोल्डेबल डिजाइन र थुप्रै आधुनिक फिचरस्
बजार मूल्य रु. ३,५९९

प्रकाशित मिति: शनिबार, साउन ११, २०७६ /Saturday, July 27th, 2019, 1:41 pm