ओपोले नेपालमा बैशाख ११ गते एफसेवेन(F7) सार्वजनिक गर्ने

काठमाडौं । ओपोले नयाँ सेल्फी एक्स्पर्ट एण्ड लिडर ओपो एफसेेवेन नेपाली बजारमा सार्वजनिक गर्ने मितिको घोषणा गरेको छ । काठमाडौंमा ओपो एफसेवेन सार्वजनिकका लागि आयोजना हुने बृहत समारोह बैशाख ११मा हुने घोषणा गरिएको हो ।

नेपाली चलचित्र तथा मोडलिङ क्षेत्रका बृहत हस्तिहरु अदिती बुढाथोकी र मलिना जोशीले कार्यक्रममा आफ्नो उपस्थिती जनाउने घोषणा गरि सेकेका छन् ।

नेपाली तारा तथा यूवा मुटूका ढूकढूकी दुबैले आ-आफ्ना सामाजिक सञ्जाल मार्फत कार्यक्रममा आफ्नो उपिस्थतीका बारेमा जानकारी दिएका हुन् । साथै, तिनका भिडियो मार्फत सार्वजनिक गरिएको ‘यू एण्ड आई’ क्याम्पेन मार्फत दूई भाग्यशाली विजेताले कार्यक्रममा प्रत्यक्ष सहभागी भई तिनका पि्रय स्टारसंग सेल्फी खिच्ने अवसरपनि प्राप्त गर्नेछन् ।

यसका लागि क्याम्पनेमा सहभागी विजेताले तोकिएको ह्याशट्याग प्रयोग गरी ३ साथीलाई ट्याग र भिडियोलाई लाइक तथा सेयर गर्नु पर्ने हुन्छ । क्याम्पेन एपि्रल १४ देखि अपि्रल १९ सम्म लागु गरिएको छ ।

आर्टिफिसियल ईन्टेलिजेन्सी (एआई) सुविधा सहितको नयाँ ओपो एफसेवेन सेल्फी एक्स्पर्ट सिरिजमा नयाँ उत्पादनका रुपमा हुने कम्पनीले जानकारी दिएको छ । नव प्रबर्तनात्मक प्रविधिमा आधारित ओपो एफसेवेनले नेपाली यूवा माझ रहेको कम्पनीको सेल्फी एक्स्पर्ट एण्ड लिडरको छवीलाई थप सुदृढ बनाउने आशा गरिएको छ ।

सेल्फीलाई थप वास्तविक, प्राकृतिक र ब्यक्तिगत तवरमा आकर्षक बनाउने सोचका साथ ओपोले एफफाइभको माध्यमबाट एआई ब्यूटी रेगक्निशन प्रविधि सार्वजनिक गरेको थियो । यसलाई थप परिस्कृत गरी ओपो एफसेवेनमा दोस्रो पुस्ताको एआई ब्यूटी २.० उपलब्ध गरिएको छ । फोनमा रियल टाइम हाई डायनामिक रेञ्ज (एचडीआर) प्रविधि सहित २५ मेगापिक्सेल क्षमताको फ्रन्ट क्यामेराको प्रयोग गरिएको छ ।

यसमा एआई ब्यूटी २.०, कभर सट र अगुमेन्टेड रियालिटी (एआर) स्टिकर्सपनि उपलब्ध गरिएको छ । नयाँ ओपो एफसेवेनले सेल्फीको गुणस्तरलाई नयाँ आयाम दिने मात्र नभइ सेल्फी लिने प्रकृयालाई थप रमाइलो र रोचक बनाउने छ ।
ओपो एफसेवेनमा उद्योगकै अग्रणी २५ एमपी एआई ब्यूटी फ्रन्ट क्यामेरा र रियल-टाइम एचडीआर प्रविधि उपलब्ध गरिएको छ ।

नयाँ फोनमा उद्योगकै पहिलो सेन्सर एचडीआर फिचर ईनब्यूल्ट रुपमै समाहित गरिएको छ । उत्कृष्ट सेल्फी सहज रुपमा लिन सघाउने उक्त प्रविधि ओपो एफसेवेनमा डिफल्ट फिचरका रुपमा समाहित गरिएको छ । प्रकाश समायोजन गरी तिब्र गतिमा तस्विर परिमार्जनमा सघाएर उत्कृष्ट तस्विर पोष्ट गर्न सघाउँछ । साथै, यो फिचर तस्विरका साथै भिडियोका लागि पनि प्रयोग गर्न सकिन्छ ।

एआई एल्बम ः फोनमा कम्पनीले एआई एल्बमको ब्यवस्था गरेको छ । यसले प्रयोगकर्ताको अनुहार , स्थान तथा दृष्यका आधारमा तस्विरलाई वर्गिकृत गरी खोजी कार्य तथा एडिटिङ कार्यमा सहजता प्रदान गर्छ । एआई एल्बममा रहेको अर्को रोचक फिचरले नयाँ मोमेन्ट्स फिचर मार्फत पूराना तस्विरहरुको खोजी कार्यमा तिब्रता ल्याउन सघाव पुर्‍याउँछ ।

एआई बोर्ड फिचर ः फोनमा स्पलिट स्क्रिन फिचरका रुपमा उपलब्ध गरिएको एआई बोर्ड फिचरमा प्रयोगकर्तालाई आफ्ना मनपर्ने एप्सहरु राख्न सक्छन् । यो फिचरले स्वचालित रुपमा महत्वपूर्ण मिटिङ् तथा तालिका, भ्रमण, चलचित्र टिकट तथा ई-कमर्स अर्डरको अवस्थालाई ईमेल तथा सन्देश मार्फत क्रमबद्ध गर्न सभाव पुर्‍याउँछ ।

एआई प्रविधिले एफसेवेनको प्रणाली ब्यवस्थापनमा समेत सघाव पुर्‍याउँछ । यसले ६४ बिट ४ जीबी ओक्टा (कोर प्रोशेसर -१ सय २८ जीबी भर्जनका लागि ६ जीबी)लाई बुद्धिमानी पूर्वक छुट्याएर फोनको कार्य प्रणाली सही राख्ने कार्यमा सघाउँछ ।

यसले गर्दा नयाँ फोनले पछिल्लो फोन एफाफइभका तुलनामा ८० प्रतिशत उत्कृष्ट कार्य प्रदर्शनी दिने क्षमता राख्छ । साथै, एआईले उर्जा ब्यवस्थापनमा समेत सघाव पुर्‍याउँदै ब्याट्रीलाई थप समय सम्म टिकाउन सघाउँछ ।

प्रकाशित मिति: शुक्रबार, बैशाख ७, २०७५ /Friday, April 20th, 2018, 2:53 pm